Бул маалыматты каза болгондун жакындары Turmush агенттигинин кабарчысы менен болгон маегинде тастыкташты.
Алардын айтымында, ал Ростов облусундагы дрондордун чабуулунан катуу жаракат алып, медициналык мекемеде каза болгон.
Каза болгондун үй-бүлөсү, ал 1970-жылы Ош шаарында төрөлүп, беш баланын атасы экенин айтып беришти. 2000-жылдардын башында ал Россияга жумушка кетип, 2007-жылы ошол өлкөнүн жарандыгын алган.
«2024-жылдан баштап ал Россиянын куралдуу күчтөрүндө контракт боюнча кызмат өтөп, командирлик кызматта иштеген. Мурда ал Кыргызстандагы укук коргоо органдарында иштеген», — деп кошумчалашты.
Каза болгон адам өз мекенинде жерге берилди.
