Куршаб айыл өкмөтүнүн башчысы Сактан Келдибаев жыйындын жыйынтыктары тууралуу маалымдады.
Сессияда 2025-жылы аткарылган иштердин натыйжалары, социалдык-экономикалык өнүгүү, инфраструктуралык долбоорлор жана жергиликтүү көйгөйлөрдү чечүү боюнча маалыматтар сунушталды.
Мындан тышкары, катышуучулар 2026-жылга бюджеттин киреше жана чыгаша бөлүктөрүн карап, негизги приоритеттерди аныкташты. Сессияга катышкан депутаттардын жана тургундардын пикирлери чечимдерди кабыл алууда эске алынды.
Натыйжада, 2026-жылга жергиликтүү бюджет 67 млн 367 миң 700 сом өлчөмүндө бекитилди, ошондой эле кийинки жылга пландар белгиленди.
Салыштыруу үчүн, өткөн жылы бюджет 50 млн 828 миң сомду түзгөн, бул быйыл 17 млн сомго көбөйгөндүгүн билдирет.
