Кыргызстандын Эмгек, социалдык камсыздоо жана миграция министри Канат Сагынбаев 26-январда «Келечек» балдар реабилитациялык борборуна пландан тышкаркы визитин өткөрдү. Бул тууралуу министрликтин басма сөз кызматы маалымдады.
Визит учурунда министр борбордун иши, кызмат алгандардын саны жана кызматкерлердин курамы менен таанышып чыкты.
Директор тарабынан берилген маалыматка ылайык, министр келген учурда борбордо 45 адам болгон, алардын 33ү бала, ошондой эле 28 коштоочу, 12 бала борборго күндүзкү негизде келип жаткан.
Текшерүүдөн кийин Сагынбаев борбордун администрациясына жарандарды акысыз кызматтар жөнүндө маалымдоону активдештирүүнү, ошондой эле ар бир балага сапаттуу реабилитацияны камсыздоо үчүн индивидуалдуу мамиле кылууга көңүл бурууну тапшырды.
Борбордо дарыланган балдар менен жолугушууда, алардын биринин чоң энеси жамаатка жогорку деңгээлдеги кесипкөйлүгү жана балдарга камкордук көрсөткөндүгү үчүн ыраазычылык билдирди.
Министр бардык балдарга жана алардын ата-энелерине ден-соолук, реабилитацияда ийгилик жана ыкчам калыбына келүүнү каалады.
Маалымат:
«Келечек» реабилитациялык борбору 2022-жылдын декабрь айында Кыргызстандын президенти Садыр Жапаровдун колдоосу менен негизделген. Уюм 100 бала кабыл алууга мүмкүнчүлүк берет жана реабилитациялык кызматтарды стационардык форматта жана күндүзкү негизде сунуштайт. Борбор мүнөздөмөсү боюнча инвалиддүүлүккө ээ балдар менен иштейт, аларда опорно-двигательный аппараттын бузулуулары жана неврологиялык оорулары бар. Реабилитациялык борборго жазылуу министрликтин аймактык бөлүмдөрүнүн жетекчилиги менен макулдашылган МСЭК же жалпы практикалык дарыгерлердин сунуштарынын негизинде жүргүзүлөт. ```
