Берилген маалыматтарга ылайык, 2024-жылга салыштырмалуу кирип келгендердин агымы 18,6% га, ал эми 2023-жылга салыштырганда 20% га өскөн.
Жалпысынан көрсөтүлгөн мезгилде өлкөгө 20 миллион 978 миң 965 адам кирген.
Өткөн жылы кирип келгендердин санынын кескин өсүшүнүн себептери туристтик инфраструктуранын жакшыртылышы, эл аралык транспорттук маршруттардын кеңейиши, Кыргызстандын табигый жана маданий потенциалын активдүү илгерилетүү, ошондой эле бизнес жана инвестициялык байланыштардын өсүшү болду.
2025-жылы Кыргыз Республикасынын чек арасынан 37 миллион 50 миң 223 адам өткөн, ошондой эле 3 миллион 260 миң 642 транспорт каражаты катталган.
Чек ара кызматы миграциялык жана чек ара мыйзамдарын сактоону кылдат көзөмөлдөп турган. Жыл ичинде 28 миң 593 адамдын документтери туура эмес экендиги аныкталган, алардын 28 миң 6 сы чек араны өтө алган эмес. Миграциялык эрежелердин бузулушунун натыйжасында 2 миң 31 жаран депортацияланган.
