Форумдун негизги максаты улуттук руханий баалуулуктарды колдоо жана өнүктүрүү, коомдун интеллектуалдык ресурстарын бириктирүү, ошондой эле чыгармачылык жана илимий ишмердүүлүктү колдоо болуп саналат. Мындан тышкары, форум Кыргызстандын эл аралык маданий жана илимий аренадагы позицияларын бекемдөөгө багытталган.
Форум бир нече этапта уюштурулат: 2-февралдан 13-февралга чейин райондордо иш-чаралар өтөт, андан кийин 16-февралдан 27-февралга чейин шаардык жана облустук деңгээлде өтөт. Үчүнчү этап 2-марттан 13-мартка чейин чыгармачылык союздарга жана илимий мекемелерге арналат. Иш-чаралардын сериясын 24–25-мартка пландалган жыйынтыктоочу республикалык этап аяктайт. Форумга чыгармачылык союздардын өкүлдөрү, илимпоздор, изилдөөчүлөр, маданият жана билим берүү тармагындагы адистер, ошондой эле коомдук ишмерлер жана жаштар интеллигенциясы катышат деп күтүлүүдө», — деп билдирилет маалыматта.
