Кыргызстан профсоюздар федерациясы (ФПК) санариптештирүү процессин аяктап, жаңы электрондук колдонмону киргизүүнү пландаштырууда. Бул тууралуу «Кабар» агенттигиндеги пресс-конференцияда ФПКнын төрагасы Мурадил Джумадилде уулу билдирди.
Джумадилде уулунун айтымында, жаңы колдонмо аркылуу профсоюздун мүчөлөрү акча каражаттарынын кыймылын, кирешелер жана чыгашалар тууралуу маалыматты көзөмөлдөй алышат.
«Колдонмо ишке киргенден кийин биздин мүчөлөр онлайн форматта ден-соолукка байланыштуу арыздарды берүүгө мүмкүнчүлүк алышат. Бул коррупциялык схемалар үчүн мүмкүнчүлүктөрдү жоюуга жардам берет», - деди ал.
