Министрликтин маалымат кызматынан алынган маалыматка ылайык, жолугушууда түрк дүйнөсүнүн маданий, тарыхый жана мурастуу байлыктарын сактоо жана популяризациялоо боюнча кызматташтыкты кеңейтүү маселелерине көңүл бурулду.
Министр Мамбеталиев Фонд менен биргелешип иштөө түрк элдеринин жалпы маданий мурасын колдоо жана улуттар аралык байланыштарды күчөтүү үчүн маанилүүлүгүн белгиледи.
Раимкулова 2026-жылга пландалган биргелешкен долбоорлордун пландары тууралуу айтып берди жана мындан аркы кызматташтык үчүн маанилүү мүмкүнчүлүктөрдүн бар экенин белгиледи.
Мындан тышкары, Бишкекте өтө турган Түрк маданияты жана мурасы фондуна мүчө мамлекеттердин министрлеринин III жыйынынын күн тартибиндеги маселелер жана бул иш-чаранын алкагында ишке ашырылуучу инициативалар талкууланды.
