Бул иш-чарага Манас шаарынын вице-мэри Гүлбарчын Таштанбекова, Манас прокурорунун жардамчысы Канышай Маманова, ошондой эле эмгек, социалдык камсыздандыруу жана миграция башкармалыгы, ички иштер бөлүмү жана билим берүү тармагынан өкүлдөр катышты. Мындан тышкары, жыйында билим берүү мекемелеринин жетекчилери жана мугалимдери да болду.
Жыйындын күн тартибинде 2025-жылы Манас шаарында балдар жана өспүрүмдөр тарабынан жасалган кылмыштар тууралуу маалымат болду. Берилген маалыматтар боюнча, өспүрүмдөр 66 кылмыш жасашкан, ал эми жашы жете элекке каршы кылмыштардын саны 36ны түзгөн.
Жыйындын катышуучулары өспүрүмдөр арасындагы кылмыштуулукту азайтуу жана ар кандай мамлекеттик органдар ортосундагы өз ара аракеттенүүнү жакшыртуу үчүн тарбиялык иштердин натыйжалуулугун жогорулатуунун маанилүүлүгүн белгилешти.
