Жогорку Кенештин жыйынында депутат Жаныбек Аматов интернетти жана онлайн оюндарды балдар тарабынан колдонуу боюнча тынчсыздануусун билдирди. Ал мектеп окуучуларынын мектептерде Roblox жана Minecraft оюндарына катышып, топ-топ болуп чогулуп ойноп жатканын белгиледи.
Аматов бул оюндарда ар кандай колдонуучулар болушу мүмкүн экенин, балдардын комментарий алмашып жатканын айтты. Бул, кылмыштуу ниетте болгон адамдар, анын ичинде педофилдер менен жолугушуу коркунучун жаратууда. Мындан тышкары, депутат балдар ата-энелеринин банк карталарынан акча которуу учурларын белгилеп, бул да олуттуу тынчсызданууну жаратат.
