Жогорку Кенештин жыйынында депутат Чынгыз Ажибаев Баткен облусунда жайгашкан Лейлек районунун тургундарына байланыштуу бир катар маселелерди көтөрдү.
Ал Жаны-Жер айылындагы жергиликтүү тургундар «Мегаком» оператору тарабынан берилген байланыштын начар сапатына нааразы болуп жатканын билдирди, ошондой эле коңшу мамлекеттин мобилдик операторлорунун сигналы жеткиликтүү экенин белгиледи.
Мындан тышкары, Алга Ак Сууй айылдык аймагында кыргыз телеканалдарын көрүү мүмкүнчүлүгү жок. «Биз бул маселени тез арада чечишибиз керек, анткени тургундар өлкөбүздөгү бардык окуялар жана жакшы жаңылыктардан кабардар болушу керек», - деп кошумчалады Ажибаев.
Ошондой эле депутат социалдык жөлөк пулдарды алуу процессин жеңилдетүүнү өтүндү, анткени кезектер көп байкалууда.
