Өкмөттүн маалыматына ылайык, «Орто-Сай» базарында эт саткан дүкөн ээлерине социалдык мааниси бар азык-түлүктөрдүн бааларын мамлекеттик жөнгө салуу эрежелери түшүндүрүлдү. Аларга, сөөктүү уй этинин бөлшөк баасы 680 сомдон ашпашы керектиги эскертилди.
Сатуучүлөр, өз кезегинде, уй этин 690-700 сом, ал эми кой этин 750 сомдон сатып алууну билдиришти. Алар белгилегендей, белгиленген бөлшөк баада эт сатууда кыйынчылыктарга дуушар болушууда. Бул боюнча эт жеткирүүчүлөр тарабынан бааларды жөнгө салуу зарылдыгы пайда болду, деп айтылат билдирүүдө.
Мындан тышкары, Карагула Акмат көчөсүндө жайгашкан «Устукан» дүкөнүнө бааларды жөнгө салуу боюнча мыйзам бузуулар үчүн айып пул салынды.
