Суу ресурстары, айыл чарба жана кайра иштетүү өнөр жайы министрлиги берген маалыматка ылайык, өткөн жумада «Достук» өткөрмө пункту аркылуу Өзбекстандан 26 тонна 978 килограмм пияз киргизилери пландалган.
Бирок, зарыл фитосанитардык сертификаттын жоктугу жана жүктүн туура эмес белгилениши себептүү, бул товар Кыргызстанга киргизилген жок. Натыйжада жүк ташуучу компанияга кайтарылды.
