18-январда Бишкекте 20 жашка чейинки жаштар командалары арасында хоккей боюнча дүйнө чемпионатынын салтанаттуу ачылышы болуп өттү (U20).
Турнирдин ачылышы кооз концерттик программа жана мелдештерге катышуучу командалардын парады менен коштолду. Иш-чарага өкмөттүн өкүлдөрү, спорттук уюмдардын мүчөлөрү, ошондой эле чет өлкөлүк коноктор, спортчулар жана күйөрмандар чогулду.
Салтанаттуу иш-чарада куттуктоо сөздөрүн Кыргыз Республикасынын Министрлер Кабинетинин орун басары Эдиль Байсалов, Физикалык маданият жана спорт мамлекеттик агенттигинин директору Казыбек Молдажиев, Бишкек шаарынын мэри Айбек Джунушалиев, Кыргыз Республикасынын НОКтун төрагасы Умбеталы Кыдыралиев, Эл аралык хоккей федерациясынын кеңешинин мүчөсү Франц Рейндл жана Кыргызстандын Хоккей федерациясынын президенти Анвар Оморканов сүйлөштү.
Чемпионаттын биринчи күнүндө Кыргызстандын командасы, үйдөгү музда ойноп, Гонконг (Кытай) командасын 4:1 эсебинде жеңди.
U20 хоккей боюнча дүйнө чемпионаты 24-январга чейин уланат жана ага Кыргызстандан, Мексикадан, Люксембургдан, Түштүк Африкадан, Ирандан жана Гонконгдон (Кытай) командалары катышат.
