Кожошкен дарыясында 380 метрлик жээк сызыгын бекемдеп жатышат

Кадамжай районунда, Кызыл-Коргон айылында Кожошкен дарыясынын жээгин бекемдөө боюнча иштер жүргүзүлүүдө.

Учурда иштер 380 метр узундуктагы участкта жүргүзүлүүдө.

Бул иш-чараларга мамлекеттик бюджеттен 20 миллион сом бөлүнгөн, ал эми курулушту Өзгөчө кырдаалдар министрлигине караштуу Ош шаардык өзгөчө кырдаалдар борбору жүргүзүүдө.