Кыргызстандын айыл чарба министрлиги фермерлерди суу ресурстарынын жетишсиздиги тууралуу эскертти жана аларга сууну пайдалануунун натыйжалуу ыкуларына өтүүнү сунуштады.
«Климаттын өзгөрүшү жана 2026-жылдагы вегетация мезгилинде жаан-чачындын азайышы себептүү суу жетишсиздиги болушу мүмкүн. Ошондуктан, сугат көлөмдөрү кыйла кыскартылат жана айрым аймактарда суу жетишсиздиги болушу мүмкүн», - деп белгилешти министрликтен.
Ведомство айыл өндүрүүчүлөрдү төмөнкү практикаларды активдүү киргизүүгө чакырды:
суу үнөмдөөчү технологияларды, мисалы, тамчы жана жаан сугаруу ыкмаларын кеңири колдонуу;
аз суу талап кылган культураларды өстүрүү;
кургакчылыкка туруктуу үрөндөрдү колдонуу.
«Фермерлер райондук агрардык өнүктүрүү башкармалыктарына же министрликтин суу менен камсыздоо боюнча адистерине кайрылышы мүмкүн. Сугат мезгилинде министрлик суу ресурстарын адилеттүү бөлүштүрүү боюнча иш жүргүзөт», - деп айтылат расмий билдирүүдө.
