Ал тигүү тармагынын көйгөйлөрүнө арналган «Ала-Тоо» депутаттык тобунун жолугушуусунда жергиликтүү тигүүчүлөрдүн туш болгон кыйынчылыктары менен бөлүштү.
Анын айтымында, учурда сатуулардын негизги бөлүгү маркетплейс аркылуу жүргүзүлүүдө.
«2003-жылдан бери Кыргызстанда тигүүчүлөр үчүн патенттик система иштеп келген, бирок 2023-жылы ал жоюлду. Соңку 20 жылда 9 800 тигүү өндүрүшү ачылган. Ошол эле жылы Wildberries маркетплейси кыргыз тигүүчүлөрү менен кызматташууга киришип, платформада 23 миң жеке ишкерди каттоого алды. Ошондой эле 7 миң адам Ozon'го катталды. 2023-жылы Кыргызстанга Wildberries'тин ээси келип, Акылбек Жапаров менен жолугушуп, логистика борбору үчүн жер сурады. Ал арада Өзбекстанда 100 миң чарчы метр аянттагы бөлүштүрүү борбору курулуп жатат, ал 2026-жылы ачылат», — деди Керимбек уулу.
Ал тигүүчүлөр жана Кыргызстан бийлиги өткөн жылдын күзүндө Россияда пайда болгон кырдаалга даяр эмес экенин кошумчалады жана ишкерлер менен мамлекеттик органдар ортосундагы тыгыз кызматташтыктын зарылдыгын белгиледи.
«Текстиль өнөр жаяты Кумтор жана айыл чарбасынан кийин экспорт боюнча үчүнчү орунду ээлейт. Өзбекстанда бул үчүн жеңил жана текстиль өнөр жайы боюнча өзүнчө министрлик түзүлгөн. Биз Кыргызстанда да Экономика министрлигинде тигүү тармагы боюнча маселелер менен алектенүүчү өзүнчө бөлүмдүн болушу зарыл деп эсептейбиз», — деди ал.
2025-жылдын күзүндө Россиянын талаптарындагы өзгөрүүлөр кыргыз тигүүчүлөрү үчүн бир катар көйгөйлөрдү жаратып жатканы маалым болду. Продукциянын Россияга экспортундагы кыйынчылыктар Экономика жана соода министрлигинде да талкууланды.
