Министрликтин маалымат кызматынын маалыматына ылайык, негизги жолугушуулар арасында Вена музыкалык жана аткаруучулук искусствосу университетинин ректору Ульрика Сих жана Австриянын Дүйнөлүк музейинин орун басары Кристиан Шикльгрубер менен сүйлөшүүлөр болду.
Сүйлөшүүлөрдүн учурунда эки тараптуу маданий жана гуманитардык кызматташтыкты өнүктүрүүгө, тажрыйба алмашууга, ошондой эле жаштарды маданият жана искусство тармагында даярдоого байланыштуу биргелешкен долбоорлорду жана программаларды ишке ашырууга көңүл бурулду.
Жолугушууларда маданий ресурстарга жеткиликтүүлүк, музей жана аткаруучулук искусствосун өнүктүрүү, чыгармачыл жаштарды колдоо жана маданий тармакка заманбап технологияларды киргизүүгө да көңүл бөлүндү.
Кыргыз делегациясы австриялык тажрыйбага кызыгуусун билдирип, эки өлкөнүн өкүлдөрүнүн биргелешкен маданий иш-чараларына катышууну камтыган кызматташтыкты тереңдетүү ниетин растады.
