ТЭЦ Бишкек күчөтүлгөн режимге өткөрүлдү

Бишкек шаардык мэриясы ТЭЦтин күчөтүлгөн иш режимине өткөрүлгөнүн билдирүүдө.
Төмөнкү температура шарттарында туруктуу энергия менен жылуулук камсыздоо үчүн авариялык бригадалар ишке киргизилди, ал эми техникалык жана оперативдик персонал азыркы учурда сутка бою иштөөдө. Ошондой эле негизги жана жардамчы жабдуулардын абалына кошумча көзөмөл киргизилди.

Кызматтын бардык бөлүмдөрү мүмкүн болгон авариялык кырдаалдарга ыкчам жооп берүү үчүн өз ара кызматташууда.

«Бишкек шаарынын ТЭЦи төмөнкү температура шарттарында керектөөчүлөргө туруктуу жана ишенимдүү жылуулук жана электр энергиясын берүү үчүн бардык зарыл чараларды көрүүдө», - деп белгиленет расмий билдирүүдө.