Манас шаарында 40 жаштагы аял көз жумду

Манас шаарында трагедиялык окуя болду: 40 жаштагы аял өз үйүндө асылып калган бойдон табылды.

Жалал-Абад облусунун Ички иштер башкармалыгынын маалымат кызматы берген маалыматка ылайык, окуя 2026-жылдын 10-январында катталган. Манас шаардык ички иштер бөлүмүнүн дежурдук бөлүмүнө тез жардам кызматы тарабынан 1985-жылы туулган И.В. өз үйүндө өлгөн абалда табылганы тууралуу билдирүү келип түшкөн.

Бул факт боюнча Манас шаардык ИИБи тергөө органдары электрондук журналга маалыматты каттап, алдын ала текшерүү иштерин баштады.

Оперативдик-тергөө тобу окуя болгон жерге чыгып, маркумдун денесин сырттан текшерди. Өлүмдүн себептерин аныктоо үчүн соттук-медициналык экспертиза дайындалды.

Учурда зарыл болгон текшерүү иш-чаралары улантылууда.