Эскерте кетсек, анын эжеси милицияга кайрылып, 6-январда саат 17:50дө Аймээрим Бакытым Асакеев менен жолугушууга кеткенин билдирген. Алардын ортосунда романтикалык мамиле болгон. Андан кийин ал байланышта болбой калган. Бул боюнча Ленин районунун Ички иштер башкармалыгы оперативдүү издөө иштерин баштаган.
7-январда милиция кызматкерлери анын кайда экенин аныктоого жетишишти. Аймээрим Нарын облусунун тоолоруна жаш жигити менен кеткен экен.
Кыздын жигити видео кайрылуу жасап, Аймээримдин үй-бүлөсүн жана милиция кызматкерлерин ыңгайсыздыктар үчүн кечирим сураган.
Милицияда белгилешкендей, жарандардын жакындарын эскертпестен жашаган жерлерин таштап кетиши, жакындарын адаштырып, издөө жарыялоо үчүн негиз болуп калат. Мындай учурда милициянын ресурстары жана кызматтык транспорттору, коомдук тартипти жана коопсуздукту камсыз кылуу сыяктуу маанилүү иштерди чечүү үчүн колдонулушу мүмкүн.
