Камчыбек Ташиев Лейлек районунда эки «Спринтер» тапшырды

Лейлек районунда, Баткен облусундагы Кулунду айыл өкмөтүндө, мүмкүнчүлүгү чектелген балдар жана мектеп окуучулары үчүн эки «Мерседес-Бенц Спринтер» маркасындагы микроавтобус берилди.

Кулунду айылдык кеңешинин төрагасы Абдижапар Досовдун маалыматына караганда, бул транспорт каражаттары районго ГКНБнын төрагасы Камчыбек Ташиевдин демилгеси менен келиптир.

«Биздин айылдык округда мүмкүнчүлүгү чектелген балдар үчүн «Үмүт шооласы» деп аталган окуу-реабилитациялык мекеме жайгашкан. Ата-энелердин күн сайын балдарын ал жакка жеткирип баруусу кыйын. Мындан тышкары, алыста жайгашкан Булак-Башы айылында айрым үйлөр билим берүү мекемесинен 4 чакырым алыстыкта орун алган. Кышкы мезгилде балдар мектепке жетүүдө кыйынчылыктарга дуушар болушат, анткени жолдор жаан-чачын жана кар жааганда баткакка айланып, өтүү мүмкүн эмес болуп калат. Ошондуктан, ГКНБнын төрагасы 11-12-декабрда Лейлек районун иш сапары менен келгенде, биз ага эки микроавтобус берүү өтүнүчүбүздү билдирдик. Бул маселе кыска убакыттын ичинде чечилип, эки «Спринтер» берилди», — деди ал.

Бир микроавтобус «Үмүт шооласы» мектебинде колдонулат, экинчиси болсо Булак-Башы айылындагы балдар үчүн арналган. Автомобилдер айыл өкмөтүнүн балансында турат. Жанармай жана запастык бөлүктөр менен байланышкан маселелер айыл өкмөтүнүн деңгээлинде чечилет, ал эми айдоочунун айлыгы ата-энелер тарабынан төлөнөт», — деп кошумчалады ал.