Саламаттык сактоо министрлигинин маалымат кызматынын маалыматына ылайык, жолугушууда саламаттык сактоо тармагындагы эки тараптуу кызматташтыктын учурдагы абалы жана келечеги талкууланды. Айрыкча, вакциналардын туруктуу жеткирүүлөрүн камсыздоо, алардын сатып алуу жана бөлүштүрүү процесстерин оптималдаштыруу, ошондой эле иммунизация программаларынын натыйжалуулугун жогорулатууга көңүл бурулду. ЮНИСЕФ муздак чынжырды бекемдөө үчүн берилген маанилүү колдоолор тууралуу маалымат берди, анын ичинде атайын жабдуулар менен 80% камсыздоо, ошондой эле вакциналарды медициналык мекемелерге коопсуз жеткирүү үчүн авто рефрижераторлор жана пикапдар менен камсыздоо.
Жолугушуунун негизги темалары ЮНИСЕФ аркылуу жеткирилген вакциналардын сапаты жана коопсуздугун камсыздоо, ошондой эле вакциналарды сатып алуу жана логистиканы санариптештирүү болду. Заманауи маалыматтык чечимдерди киргизүү, процесстердин ачыктыгын жогорулатуу жана жеткирүүлөрдү мониторингдөө системасын бекемдөө маселелери талкууланды. Тараптар медициналык ресурстарды эффективдүү пландаштыруу, эсепке алуу жана көзөмөлдөө үчүн санариптик инструменттердин маанилүүлүгүн белгилешти. ЮНИСЕФ Эркиновго 1 267 000 долларлык бюджет менен Улуттук вакциналык складды куруу пландары тууралуу маалымат берди.
Мындан тышкары, жолугушуунун катышуучулары улуттук иммунизация системасын бекемдөө, саламаттык сактоонун туруктуулугун жогорулатуу жана калк үчүн профилактикалык кызматтарга жеткиликтүүлүктү кеңейтүү боюнча ишке ашырылып жаткан программалар жана долбоорлордун алкагында биргелешкен аракеттерди координациялоону талкуулашты.
Жолугушуунун жыйынтыгы менен тараптар өнөктөштүктү мындан ары бекемдөө жана 2026-2027-жылдарга Биргелешкен иш-чаралар планынын долбоорун иштеп чыгуу боюнча өз ара кызыгууларын билдиришти. Тараптар вакциналарды сатып алуу тармагында техникалык жана эксперттик колдоону кеңейтүүгө жана тажрыйба алмашууга даярдыктарын билдиришти.
Переговорлордун жыйынтыгы менен катышуучулар Кыргыз Республикасында саламаттык сактоо системасын жакшыртуу жана иммунизация программасын туруктуу өнүктүрүү боюнча конструктивдүү диалогду улантууга жана биргелешкен аракеттерге даяр экендиктерин билдиришти.
