Ведомстводон берилген маалыматка ылайык, 2026-жылдын 1-9-январь аралыгында 325 бала стационардык дарыланууда болду. Кышкы айларда, айрыкча температуранын кескин өзгөрүүлөрү себептүү, ооруп жаткан балдардын санынын туруктуу өсүшү байкалууда.
2026-жылдын 1-9-январь аралыгында стационардык ЦОВПнын балдар бөлүмүндөгү бейтаптардын динамикасы төмөндө көрсөтүлгөн:
2026-жылдын 1-январы — 29 бейтап;
2026-жылдын 2-январы — 30 бейтап;
2026-жылдын 3-январы — 33 бейтап;
2026-жылдын 4-январы — 29 бейтап;
2026-жылдын 5-январы — 37 бейтап;
2026-жылдын 6-январы — 36 бейтап;
2026-жылдын 7-январы — 45 бейтап;
2026-жылдын 8-январы — 42 бейтап;
2026-жылдын 9-январы — 51 бейтап.
Балдар жана гинекология бөлүмдөрүндө жалпы 20 орун бар, муну менен катар дагы 30 орун ачылган.
«2026-жылдын январь айынын башында жөтөл, грипп жана жогорку температура сыяктуу симптомдор менен жабыркаган балдардын саны 29дан 30га чейин өзгөрүп турду, ал эми 7-9-январь аралыгында бул көрсөткүч 45-51ге чейин өстү. Учурда балдар бөлүмү 20 орун менен толук толгон, ал эми гинекология бөлүмүндө дагы 30 орун ачылган. Ооруган балдар медициналык кызматкерлер тарабынан 24 саат бою кам көрүлүүдө. Бул көрүнүш жыл сайын байкалат. Негизги себеби — балдардын жаңы жылдык майрамдар учурунда суук ичимдиктерди ашыкча колдонушу, бул оорулардын пайда болушуна алып келет. Учурда дары-дармектер жетиштүү», — деп билдиришти жалпы врачтык практика борборунан.
Докторлор ошондой эле ата-энелерге кышкы мезгилде балдардын көңүл ачуу иш-чараларына катышуусун чектөөнү, аларды парктарда жана көчөлөрдө көзөмөлсүз сейилдетпөөнү, ошондой эле алардын ден соолугун активдүү көзөмөлдөөнү сунушташат.
