Жаңы буйрукка ылайык, өкмөт милдеттүү медициналык камсыздандыруу менен 85% камтууну камсыздоону жана жашоо узактыгын 75 жылга чейин узартууну көздөп жатат. Мындан тышкары, энелердин өлүмүн 100 миң жаңы төрөлгөн балага 22 учурга чейин төмөндөтүү пландалууда.
Кабмин ошондой эле 5 жашка чейинки балдардын өлүмүн 1 миң балага 14 учурга чейин азайтууну жана жүрөк-кан тамыр оорулары, рак, диабет жана өнөкөт обструктивдик өпкө оорулары сыяктуу инфекциялык эмес оорулардан эрте өлүмдөрдү 30% га кыскартууну максат кылууда.
Мындан тышкары, оорулардын алдын алуу, эрте кийлигишүү жана баштапкы медициналык-санитардык жардам кызматтары менен 70% калкты камтууну камсыздоо каралган.
