Кабминдин сүрөтү
Өкмөт башчы Евроньюстун дүйнөдөгү жетекчи медиа булактарынын бири катары глобалдык күн тартибин түзүүгө кошкон салымын белгиледи. Ал ошондой эле Кыргызстанда болуп жаткан окуяларды жеткиликтүү жана объективдүү чагылдырууга кызыкдар экенин баса белгиледи.
Сүйлөшүүлөрдүн жүрүшүндө республикада пландалган маанилүү эл аралык иш-чараларды, анын ичинде 2026-жылы өтө турган Шанхай кызматташтык уюмунун жыйыны жана Дүйнөлүк көчмөндөр оюндарынын маалыматтык коштоосуна өзгөчө көңүл бурулду.
2026-жыл Кыргызстан үчүн юбилейдик жыл болорун, өлкөнүн өзүнүн көз карандысыздыгынын 35 жылдыгын белгилээрин белгилеп өтүү керек.
Педро Варгас Давид бул Кыргызстанга болгон биринчи сапары экенин айтып, кызматташтыкты тереңдетүүгө кызыкдар экенин билдирди. Ал Евроньюс Кыргызстанды эл аралык аренада таанытуу үчүн платформа болууга даяр экенин кепилдеди.
Жолугушуунун натыйжасында тараптар кызматташтыкты өнүктүрүү жана өнөктөштүк байланыштарды күчөтүү ниеттерин растады.
