Расмий булактардан алынган маалыматка ылайык, жаңы объект өлкөдөгү эң ири Конгресс-холл болот. Имарат эки кабаттан жана жер астындагы деңгээлден турат.
Конгресс-холлдун ичинде 1 миң 238 адамды сыйдыра турган чоң конференц-зал, 1 миң орундуу банкет залы, ар кандай иш-чаралар үчүн бир нече зал, эки тараптуу жолугушуулар үчүн беш сүйлөшүү бөлмөсү жана заманбап пресс-борбор жайгашат.
Ошондой эле болжол менен 300 унаа үчүн жабык жана ачык токтотуучу жай каралган. Жакынкы пландарда бардык керектүү шарттар менен жабдылган сегиз конок үйүн куруу турат.
Учурда курулуш уланууда жана объекттин ишке кириши ушул жылдын жайында күтүлүүдө.
