Бул жарлыктын негизинде 1-апрелден тарта жаңы президенттик компенсациялык төлөм киргизилет. Билим берүү мекемелеринин, саламаттык сактоо, маданият, социалдык коргоо жана башка тармактардагы кызматкерлер үчүн бул төлөмдүн көлөмү бир ставка үчүн 15 миң сомго чейин болот. Ошол эле учурда техникалык жана кичи кызматкерлер, ошондой эле күч структураларынын жарандык курамы үчүн 5 миң сом өлчөмүндө компенсация каралган.
Мындан тышкары, 1-сентябрдан баштап, айрым мамлекеттик кызматкерлердин эмгек акысына кошумча үстөк акылар берилет — алардын ишинин татаалдыгына, сапатына жана натыйжаларына жараша 50% чейин. Айрым мамлекеттик мекемелердин кызматкерлерине, белгилүү структураларды эске албаганда, 15 миң сом өлчөмүндө кошумча компенсация берилет.
Министрлер кабинети ушул жарлыктын ишке ашырылышы үчүн зарыл болгон чараларды көрүүгө жана 2026-2028-жылдарга республикалык бюджетке тиешелүү өзгөртүүлөрдү киргизүүгө милдеттендирилди.
Жарлыктын аткарылышын президенттин администрациясы көзөмөлдөйт.
