Черногориянын вице-премьер-министри жана тышкы иштер министри Эрвин Ибрагимович 2026-жылдын 23-24-мартында Кыргыз Республикасына расмий сапар менен келет. Бул тууралуу Кыргызстандын Тышкы иштер министрлигинен билдиришти.
Сапар учурунда Кыргыз Республикасынын тышкы иштер министри Жээнбек Кулубаев менен сүйлөшүүлөр пландалган, ошондой эле өлкөнүн жогорку кызмат адамдары менен жолугушуулар болот.
Эки мамлекеттин дипломатиялык ведомстволорунун башчылары саясий, соода-экономикалык жана маданий-гуманитардык тармактарда кызматташууну кеңейтүү мүмкүнчүлүктөрүн талкуулашат. Мындан тышкары, эл аралык жана регионалдык саясат боюнча пикир алмашуу, ошондой эле эл аралык уюмдар чегинде өз ара аракеттенүүнү талкуулоо пландалууда.
