Анын визитинин биринчи пункту Тюп айылындагы орто мектеп болду, ал жакта жакында капиталдык ремонт аяктаган. Окуу жайы 850 орунга эсептелген, бирок азыр анда 1400 окуучу билим алууда.
Андан кийин өкмөт башчы жалпы дарыгерлик практика борборуна барып, медициналык инфраструктуранын абалын баалады. Борбордун аймагында 11 имарат жайгашкан, алардын төртөө капиталдык ремонтту жана инженердик системаларды модернизациялоону талап кылат.
Бул борбордун базасында жайгашкан облустук оорукананын 60 орундугу бар жана ал хирургия, педиатрия, төрөт жана реанимация бөлүмдөрүн камтыйт. Бирок, бейтаптардын жогорку агымы эске алганда, медициналык мекеменин учурдагы ресурстары жетишсиз болуп жатат.
Адылбек Касымалиев жооптуу мамлекеттик органдарга райондун социалдык жана медициналык инфраструктурасын жакшыртуу боюнча пландарды иштеп чыгууга тапшырма берди, анын ичинде оорукананын жаңы корпусун куруу жана жарандар үчүн медициналык кызматтарды жеткиликтүүлүгүн жогорулатуу.
Мындан тышкары, сапар учурунда Касымалиев «Каркыра» жыл бою иштеген тоо-шаңгы комплекси куруу боюнча инвестициялык долбоордун ишке ашырылышы менен таанышып чыкты, бул заманбап курортту өнүктүрүү үчүн туристтик инфраструктураны түзүүнү көздөйт.
Азыркы учурда долбоордун биринчи этабынын алкагында иштер жүрүп жатат. Комплекс аймагында ондон ашык конок үйлөрү курулууда, ошондой эле канаттуу жолдун негизги элементтерин камтыган техникалык жабдуулар сатып алынды.
