Сыйлыктар «Өкмөттүк акселераторлор» программасынын катышуучуларына, ошондой эле жарандык коомдун өкүлдөрүнө жана Коопсуздук кеңешинин сессиясын уюштурууга активдүү жардам берген мамлекеттик кызматкерлерге тапшырылды. Мындан тышкары, балдардын укуктарын коргоого маанилүү салым кошкон адамдар белгиленди.
«Жүз күндүн ичинде ишке ашырылган «Өкмөттүк акселераторлор» программасы, саясаттык эрк, кесипкөйлүк жана чыныгы командалык иштөө болсо, өзгөрүүлөрдүн тез жана натыйжалуу болушу мүмкүн экенин ачык көрсөттү. Сиздердин көпчүлүгүңүз бул фактыларды практикада көрдүңүз деп ишенемин», — деди премьер-министр сыйлык тапшыруу аземинде.
