Ведомствонун расмий билдирүүсүндө «Кыргыз Республикасы эл аралык коомчулуктун күч-аракеттерин бириктирүүгө, БУУнун Уставына жана эл аралык укуктун нормаларына ылайык, конфликтти тынчтык жолу менен чечүүгө чакырат. Биз бардык тараптарды максималдуу сабырдуулук көрсөтүүгө, дароо согуштук аракеттерди токтотууга жана абалды тынчтык жолу менен чечүү үчүн конструктивдүү диалогго тез арада кайтуу үчүн бардык зарыл кадамдарды жасоого үндөйбүз» деп белгиленген.
Мурда маалымдалгандай, бүгүн израильдик жана америкалык Куралдуу күчтөр Ирандагы ар кандай шаарларга жана аскердик объекттерге бир катар чабуулдарды жасашты. Жооп катары Тегеран Израильге жана региондогу бир нече өлкөлөрдөгү америкалык аскердик базаларга чабуул жасады. Иранга каршы аскердик операция башталганын АКШнын президенти Дональд Трамп жарыялады.
