Кыргызстандагы Россотрудничество өкүлчүлүгүнүн жетекчиси Альберт Зульхарнеев "Росатом" чоң өнөр жай оюнчусу катары Россиядан тышкары социалдык жана билим берүү инициативаларын активдүү өнүктүрүп жатканын белгиледи. Табигый ресурстар, экология жана техникалык көзөмөл боюнча вице-министр Асель Раимкулова, өз кезегинде, экологияны коргоо жаатында узак мөөнөттүү кызматташтык үчүн мамлекеттик корпорацияга ыраазычылык билдирди жана мындай конкурстардын өлкөнүн "жашыл" экономикага өтүшүндөгү маанилүүлүгүн баса белгиледи.
Конкурстун жыйынтыгы боюнча Кыргызстандан беш долбоор гранттык колдоо алды:
"Көз менен көрүү" - угуу жана көрүү мүмкүнчүлүгү чектелген адамдарга жардам берүү үчүн инклюзивдик волонтердук мектеп; "Достук Дарагы" - жаштар жана балдар арасында экологиялык маданиятты калыптандыруу долбоору; "Жаштар таза шаар үчүн" - шаардык шарттарда волонтерлукту өнүктүрүү боюнча демилге; "Чыйырчык: жайыттарыбызды коргойлу" - табигый ресурстарды коргоо боюнча интерактивдүү квест; "EcoDigital" - экологиялык көйгөйлөр үчүн санариптик чечимдер аркылуу ар кандай муундарды бириктирген долбоор.
Кыргызстандагы "Росатом" өкүлчүлүгүнүн генеральный директору Дмитрий Константинов экологияны коргоо жана жаштардын социалдык жоопкерчилигин колдоо корпорациянын негизги приоритеттери экенин баса белгиледи. Ошондой эле, иш-чарада "Евразия Кыргызстан" регионалдык офисинин директору Кымбат Урумкулова да катышты.
Таныштырылган долбоорлордун авторлору өз инициативаларын көрсөтүп, эксперттерге санариптик чечимдерди ишке ашыруу, волонтерлорду тартуу жана жергиликтүү коомчулуктар менен кызматташуу боюнча конкреттүү кадамдарды баяндашты. Алынган гранттар аларга жакынкы убакта өз идеяларын практикалык жүзөгө ашырууга мүмкүндүк берет.
