Бүгүн, 27-февралда, «Ынтымак Ордо»до маанилүү республикалык жыйын өтөт, ага президент Садыр Жапаров катышат. Бул тууралуу президенттин басма сөз катчысы Аскат Алагозов билдирди.
Жыйында өкмөт мүчөлөрү, тиешелүү мамлекеттик мекемелердин жетекчилери, ошондой эле президенттин аймактардагы ыйгарым укуктуу өкүлдөрү, Бишкек, Ош жана башка облустук маанидеги шаарлардын мэйлери, акимдер катышат.
«Жиында министрлер кабинетинин өкүлдөрү 2025-жылдагы ар кандай секторлордо жасалган иштер боюнча отчет беришет.
Ошондой эле президент Жапаров акыркы беш жылда жетишилген жыйынтыктар боюнча доклад жасап, келечектеги милдеттерди белгилейт», - деп кошумчалады Алагозов.
Жыйын НТРК жана башка республикалык, облустук телеканалдарда, ошондой эле социалдык тармактардагы баракчаларда түз эфирде көрсөтүлөт.Башталышы 11:00гө пландалууда.
