«Муну трагедияга айлантуунун кереги жок. Бардыгы мурдагыдан да жакшы болот. Өмүр уланат. Эгер бир дос кетсе, менин артыма 7 миллионго жакын колдоочум бар. Биздин эл жана биздин ыйык мамлекет мен үчүн биринчи орунда», — деди ал.
Президент өлкөнүн экономикасы өсүүнү улантаарын, ички жана тышкы саясий багыттардын өзгөрбөй турганын баса белгиледи.
Ал ошондой эле, элдин тынчтыгын бузган ар кандай аракеттер катуу жазаланарын кошумчалады.
Эскерте кетсек, 10-февралда президент Садыр Жапаров Камчыбек Ташиевди ГКНБнын жетекчилигинен кетирүү чечимин кабыл алган. Андан кийин атайын кызматтарда жана өкмөттө олуттуу кадрдык өзгөртүүлөр болду.
