Казакстан парламентинин мажилисинин төрагасы Ерлан Кошанов спикерге ийгилик каалады. "Мен Казакстан менен Кыргызстан ортосундагы достук мамилелер жана стратегиялык өнөктөштүк дагы да өнүгө турганына ишенем. Биз парламенттер аралык байланыштарды чыңдоого жана Межпарламенттик кеңештин алкагында биргелешип иштөөгө кызыкдарбыз", - деди ал.
Өзбекстан Олий Мажлисинин Сенатынын төрагасы Танзила Нарбаева да Маматалиевге өз каалоолорун жиберди. "Сиздин бул маанилүү кызматка шайланышыңыз кыргыз эли жана депутаттар тарабынан сизге көрсөтүлгөн ишенимди белгилейт, бул сиздин жогорку кесипкөйлүгүңүздү жана чоң тажрыйбаңызды көрсөтөт", - деп жазылган анын телеграммасында.
Ал ошондой эле парламенттер аралык диалогду тереңдетүү жана эки өлкө ортосундагы байланыштарды чыңдоо ниетин билдирди.
Россия Федерациясынын Мамлекеттик Думасынын төрагасы Вячеслав Володин парламенттердин конструктивдүү диалогду кеңейтүүдөгү жана мамлекеттер ортосундагы стратегиялык өнөктөштүктү чыңдоодогу маанисин белгиледи. Ал ошондой эле эки тараптуу кызматташтыкты өнүктүрүүгө кызыкдар экенин айтып, жаңы спикерге ийгилик каалап, Россияга расмий сапар менен келүүгө чакырды.
Эскертсек, Нурланбек Туругунбек уулу парламенттин спикерлигинен ыйгарым укуктарын тапшырган. Депутаттык топтор анын ордуна Марлен Маматалиевдин кандидатурасын сунушташкан, ал депутаттардын көпчүлүк добушу менен шайланган.
