Эскерте кетсек, кечээ президент Садыр Жапаров күзөт кызматынын түзүлүшү тууралуу жарлыкка кол койгон, ал күзөт системасын жакшыртуу максатында түзүлгөн.
Сыргак Бердикожоев тууралуу коомдук булактарда дээрлик маалымат жок, болгону ал күч структуралары менен байланыштуу экени белгилүү.
Мамлекеттик күзөт кызматы Улуттук коопсуздук мамлекеттик комитетинин Тогузунчу кызматынын негизинде түзүлүп, түздөн-түз президентке баш ийет. Жарлыкка ылайык, кызматынын төрагасын дайындоо жана бошотуу мамлекет башчысы тарабынан жүргүзүлөт, ал эми анын орун басарлары төрага тарабынан сунушталат.
Мамлекеттик күзөт кызматынын негизги милдети мыйзамдарда белгиленген ыйгарым укуктар чегинде коргоого алынган адамдардын жана объектилердин коопсуздугун камсыздоо болуп саналат.
