Бул сөздөр депутат Табылды Муратбековдун эмгек акысын төлөө боюнча карыздар жана жумуштан бошотулуунун аймактагы жумушсуздук деңгээлине мүмкүн болгон кесепеттерине байланыштуу суроосуна жооп катары айтылды.
Торобаев мамлекет бардык 550 кызматкер үчүн үч айлык эмгек акы боюнча карыздарды төлөп бергенин тактады.
«Биз кызматкерлерге эки айлык эмгек акы менен ыктыярдуу жумуштан бошонуу мүмкүнчүлүгүн сунуштадык. Калууну чечкендердин жумушу сакталат жана жакын арада биз аларды жумуш менен камсыз кыла алабыз. Коммуналдык кызматтар боюнча 248 миллион сомдук карыз жана кредиттик милдеттенмелер боюнча мамлекет бул маселени өзүнө алат, анткени заводдун маселеси президенттин көзөмөлүндө», — деди ал.
Андан тышкары, Торобаев учурда заводдо 200 адам иштеген айнек идиштерди өндүрүүчү ишкана иштеп жатканын кошумчалады. Аны колдоо үчүн 187 миллион сом бөлүнгөн, бул ишкананын төрт ай бою иштешине мүмкүндүк берет. Ошондой эле жарык диоддуу лампаларды өндүрүү линиясы бар, жана линиялардын санын бешке чейин көбөйтүү пландалууда, бюджет 200 миллион сомду түзөт. Жылуулук изоляциялык минералдык жүн өндүрүү боюнча инвестор менен сүйлөшүүлөр жүрүп жатат, бул үчүн 700 миң тоннага чейин сырьё базасы каралган», — деп улантты ал.
Министрдин айтымында, президенттин жардыгынын негизинде заводдун аймагы бизнес үчүн жеңилдетилген шарттар менен индустриалдык паркка айланат.
«Предпринимательдер кызыгуусун көрсөтүп жатышат. Мисалы, бир инвестор фармацевтикалык завод курууну пландап, 20 миң гектар жерди салык жеңилдиктери менен сурап жатат. Алар жылдын аягына чейин 500гө чейин жумуш ордун түзө алабыз деп ишендиришет. Эгер бул долбоорлор ишке ашса, Майлуу-Суу заводунун кызматкерлери жумушсуз калбайт», — деп кошумчалады Бакыт Торобаев.
