Басма сөз кызматынын маалыматына ылайык, ОАЭдеги бул өндүрүштү ишке киргизүү стратегиялык ойлонуу, жогорку квалификация жана бизнес өнөктөштөрдүн ишенимин талап кылган маанилүү кадам болуп саналат.
«ОАЭ рыногу, дүйнөдөгү эң тез өсүп жаткан рыноголордун бири, биздин продукциябыздын атаандаштыкка жөндөмдүүлүгүн жана кыргыз бизнесинин жетилгендигин көрсөтүп жатат», — деп белгиледи министрилер кабинетинин төрагасы.
Касымалиев ошондой эле ишкананын иши менен таанышып, өндүрүш аянттарын жана технологиялык линияларды карап чыкты.
Epos Water Production LLC заводунун негизги адистиги — бөтөлкөдөгү ичүүчү сууну жана ичимдиктерди өндүрүү жана упаковкалоо. Анын өндүрүш мүмкүнчүлүктөрү күнүнө 50 миң бөтөлкөгө чейин жетет, ал эми жабдуулары заманбап куюу жана көп баскычтуу суу тазалоо стандарттарына жооп берет. Өндүрүш процесси ОАЭде белгиленген санитардык жана тамак-аш нормаларына ылайык келет.
Бул компания ошондой эле Кыргызстанда Crystal (ОсОО «НАК») бренди менен бөтөлкөдөгү сууну өндүрөт.
