Амангельдиев В5+1 форматы Борбордук Азия жана АКШ лидерлеринин саммитинде жетишилген келишимдерди конкреттүү долбоорлорду жана өнөктөштүктөрдү ишке ашыруу аркылуу жүзөгө ашыруу үчүн практикалык аянтча берет деп белгиледи.
«2025-жылдын 6-ноябрында Вашингтондо өткөн саммит келечектеги кызматташуу үчүн так багытты аныктады. Бүгүнкү күндө биздин милдет – бул багытты конкреттүү аракеттер менен толтуруп, идеяларды чындыкка, байланыштарды узак мөөнөттүү өнөктөштүктөргө, ниеттерди натыйжалуу чечимдерге айландыруу», – деп кошумчалады ал.
Данияр Амангельдиевдин пикири боюнча, Борбордук Азия 80 миллионго жакын керектөөчүсү, жаш демографиялык курамы жана стратегиялык жактан ыңгайлуу жайгашуусу менен глобалдык соода-логистикалык тармакта маанилүү түйүн болуп жатат.
Ал кызматташуу үчүн келечектүү багыттар катары IT, креативдик экономика, логистика, төлөм инфраструктурасы жана өнөр жай долбоорлорун белгиледи.
Биринчи орун басар ошондой эле 2025-жылдын жыйынтыгы боюнча Кыргызстанда туруктуу экономикалык өсүш 11,1 пайызды түзгөнүн белгиледи. Мында мамлекеттик башкарууну санариптештирүү, бизнес-процесстерди жөнөкөйлөтүү, инфраструктураны өнүктүрүү жана инвесторлордун укуктарын коргоо боюнча масштабдуу реформалар жүргүзүлгөн. 2025-жылы «Инвестициялар жөнүндө» жаңы мыйзам кабыл алынып, $700 миллион суммадагы суверендик еврооблигациялардын биринчи жайгаштыруусу жүргүзүлгөн.
Ал мамлекеттик USDKG стейблкоиндин алтын резервдери менен камсыздалышына өзгөчө көңүл бурду.
«Кыргызстан ошондой эле «Цифрдык кочевник» режимин активдүү өнүктүрүп, эл аралык IT адистерин жана инновациялык компанияларды тартуу үчүн Жогорку технологиялар паркы жана Креативдик индустриялар паркын түзүүдө», – деп баса белгиледи биринчи орун басар.
Ал өзүнүн сөзүнүн аягында Борбордук Азия туруктуу жана динамикалык өнүгүп жаткан регион экенин, инвестициялар жана технологиялар үчүн ачык экенин, жана Кыргыз Республикасы эл аралык бизнес менен конструктивдүү жана предметтүү кызматташууга даяр экенин белгиледи.
