АКШнын Түштүк жана Борбордук Азия боюнча атайын элчиси, элчи Серджио Гор 2026-жылдын 3-февралынан 6-февралына чейин Кыргызстандын чакыруусу менен Кыргызстанга келет. Бул тууралуу президенттин басма сөз катчысы Аскат Алагозов билдирди.
Сапарынын учурунда Серджио Гор президент Садыр Жапаров менен жолугат.
Мындан тышкары, ал 4-февралдан 5-февралга чейин Бишкекте өтө турган «B5+1» экинчи диалогдук форумуна катышат. Форумдун темасы «Борбордук Азия менен АКШнын ортосунда экономикалык кызматташтыкты өнүктүрүү» болот.
