Өкмөттүн басма сөз кызматынан алынган маалыматка ылайык, Адылбек Касымалиев Дубайдын башкаруучусу, БАЭнин вице-президенти жана премьер-министри шейх Мохаммед бин Рашид Аль Мактумдун чакыруусу менен Дүйнөлүк өкмөттүк саммитке катышуу үчүн келет.
Визит учурунда Эмираттардын жогорку кызмат адамдары, ошондой эле бир нече министрликтердин жана суверендик фонддордун жетекчилери менен сүйлөшүүлөр өткөрүлөт деп пландалууда.
Мындан тышкары, бир катар эки тараптуу келишимдерге кол коюу жана «Кыргызстандын экономикалык өсүшүнүн модели «Кар барысы» аттуу сайд-ивентти уюштуруу күтүлүүдө.
