2026-жылдан 2028-жылга чейин кызматташуу боюнча "жол картасын" кол коюу ОДКБ, СНГ жана ШОС регионалдык структураларынын биргелешкен ишмердүүлүгүнүн маанилүү жыйынтыгы болуп калды. Бул тууралуу ОДКБнын Башкы катчысы Таалатбек Масадыков "Союзники. ОДКБ" басылмасына берген интервьюсунда билдирди.
Ал бул документти ишке ашыруу коопсуздукту камсыз кылуу жаатында активдүү өз ара аракеттенүүгө негиз түзөрүн белгиледи.
"Бул жылы биз ОДКБ, СНГ жана ШОС кызматташтыгынын алкагында Борбордук Азия жана Афганистандагы коопсуздук маселелерине арналган биргелешкен конференция өткөрүүнү пландап жатабыз. 'Жол картасынын' иштөө мөөнөтүндө биздин уюмдардын эл аралык статусун жогорулатууга багытталган биргелешкен көп тараптуу медиа долбоорлор ишке ашырылат", - деп кошумчалады ал.
