Кыргыз Республикасынын Тышкы иштер министринин орун басары Медер Абакиров 29-январда Кыргызстандагы Кытай Эл Республикасынын элчиси Лю Цзянпин менен жолугушуу өткөрдү. Бул маалымат Кыргыз Республикасынын Тышкы иштер министрлигинин басма сөз кызматы тарабынан жарыяланды.
Жолугушуу учурунда кыргыз-кытай өнөктөштүгүнүн ар тараптуу аспектилерине, экономика, соода жана инвестициялар боюнча биргелешкен долбоорлорго өзгөчө көңүл бөлүндү.
Ошондой эле жогорку деңгээлдеги визиттерди уюштуруу жана Кыргыз Республикасында өткөрүлө турган маанилүү иш-чаралар боюнча пикир алмашуу маселелери талкууланды.
Жолугушуунун жыйынтыгында эки тарап эки тараптуу мамилелерди андан ары өнүктүрүүгө даяр экендигин билдиришти жана 2026-жылга кызматташтыктын негизги багыттарын аныкташты.
