Операциянын жүрүшүндө Ош шаарында укук коргоо органдары наркотик сатуу боюнча келишимди аткарууга аракет кылып жаткан төрт адамды кармашты. Бул окуя Кыргыз Республикасынын Кылмыш кодексинин 282-беренесине («Наркотиктерди, психотроптук заттарды жана алардын аналогдорун мыйзамсыз даярдоо, сатуу максатында») ылайык катталган.
Кылмыш ишинин алкагында кармалгандардын үйлөрүндө тинтүү жүргүзүлүп, натыйжада: гашиш, RETDY маркасындагы уруксат документтери жок ок атуучу курал жана 1 млн 19 миң 400 сом жана $150 акча табылды.
Кармалган адамдар: К.А.А. (1980-жылы туулган), А.Р.Х. (1986-жылы туулган), Я.Х.В. (1982-жылы туулган) жана А.М.А. (1963-жылы туулган) тергөө абагына киргизилди.
Тергөө уланууда.
