Документте чыгымдар тууралуу маалымат жок.
Декларацияда премьер-министр мүлкүнүн ичинде 90 миң сомдук мебель, 80 миң сомдук фото-, аудио- жана видеотехника, 25 миң сомдук компьютерлер жана оргтехника, ошондой эле 40 миң сомдук үй-техникалары бар экенин көрсөткөн. Кыймылдуу мүлктүн жалпы баасы 3 миллион 700 миң сомду түзөт.
Касымалиевдин жакын туугандарынын кирешелери 5 миллион 146 миң 460 сомду түзсө, алардын чыгымдары 2 миллион 493 миң 519 сомго жеткен. Алардын 216,7 чарчы метр аянты бар турак үйү, 1 миң 529,2 чарчы метр аянты бар капиталдык курулуштары, ошондой эле 574 чарчы метр аянты бар жер участкалары жана 130 чарчы метр айыл чарба эмес жер участкалары бар.
Декларацияда ошондой эле 1 миллион 400 миң сомдук жеңил унаалар, 2 миллион 753 миң 100 сомдук фургондор жана пикаптар, 50 миң сомдук мебель, 70 миң сомдук үй-техникалары жана 70 миң сомдук башка кыймылдуу мүлктөр, ошондой эле 4 миллион 200 миң сомдук кыймылдуу мүлктөр көрсөтүлгөн.
Эскерте кетсек, Кыргызстандагы Салык кызматы отчеттук мезгилдеги мамлекеттик кызматкерлердин кирешелери тууралуу декларациялык маалыматтарды жарыялоону баштады.
