Ак-Тал райондук билим берүү бөлүмүнөн билдиришкендей, мурда Ак-Тал районунан 4 окуучу облустук олимпиадада жакшы жыйынтык көрсөтүп, республикалык олимпиадага жолдомо алышкан. Алардын арасында аталган айылдагы Бакыи Мүсүралиева атындагы орто мектептин 11-классынын окуучусу Канайым Нурланбекова республикалык предметтик олимпиадада 3-орунду ээледи.
Предметтик олимпиаданын катышуучуларын жана мугалимдерди сыйлоо аземи өкмөт башчысынын орун басары Эдиль Байсалов жана билим берүү министри Догдуркуль Кендирбаева катышуусунда өттү. Аземдин жүрүшүндө 3-орунду алган Канайым Нурланбекова жана ушул мектептин кыргыз тили жана адабияты мугалими Асел Турарбек кызы сыйланды.
