Кыргыз Республикасынын Билим берүү министрлиги кыргыз жана орус тилдеринде билим берүүчү мектептер үчүн 7-класстарга арналган табигый илимдер боюнча окуу китебинин чыгарылганын билдирди.
Министрликтин маалыматына ылайык, окуу китебинин тиражы 144 965 дананы түзөт. Бул саннан 86 600 данасы кыргыз тилинде билим берүүчү мектептерге, ал эми 58 365 данасы орус тилинде билим берүүчү мекемелерге арналган.
Бул окуу китептери Кыргызстандын бардык аймагындагы билим берүү мекемелерине бөлүштүрүлөт.
Окуу комплекси учурдагы мамлекеттик билим берүү стандарттарына ылайык түзүлгөн.
