Маалыматка ылайык, жаңы мектеп имаратынын курулушуна республикалык бюджеттен 152 млн сом бөлүнгөн. Жаңы билим берүү мекемесинде заманбап класстардан тышкары, китепкана, тамактануучу жай жана комфорттуу билим алуу үчүн бардык зарыл инфраструктура жана жабдуулар каралган.
Касымалиев эски мектеп имараты 50 жыл бою иштеп келгенин белгиледи.
Мугалимдерге кайрылып, ал өлкөнүн прогресси сапаттуу билим берүүсүз мүмкүн эместигин айтты. Бул үчүн мамлекет апрель айынан баштап мугалимдердин айлыктарын жогорулатуу сыяктуу чараларды көрүүдө.
«Азыркы учурда бюджет мугалимдердин гана эмес, медициналык кызматкерлердин жана маданият кызматкерлеринин айлыктарын жогорулатууга мүмкүнчүлүк берет. Соңку жылдарда бул билим берүү тармагындагы кызматкерлердин айлыктарын жогорулатуу боюнча экинчи жолу болуп жатат. Жаңы мектептер жана эмгек акы реформалары жогорку билим берүү сапаты менен коштолушу маанилүү», - деп кошумчалады ал.
