Бул тууралуу президенттин облус боюнча ыйгарым укуктуу өкүлчүлүгүнүн маалымат кызматы билдирди.
Маалыматка ылайык, алгач ыйгарым укуктуу өкүл Абдулла Тангатаров атындагы №14 жалпы билим берүү интернаттык мектебин зыярат кылып, бүтүрүүчү класстардын окуучулары менен жолугушту. Жолугушуунун жүрүшүндө окуучуларды кызыктырган суроолорду беришти жана ачык пикир алмашуу болду.
Облус башчысы билим берүүнүн сапатын жогорулатуу мамлекеттик саясаттын приоритеттүү багыттарынын бири экенин белгилеп, бул багытта тиешелүү иштер жүргүзүлүп жатканын айтты.
Андан кийин Кенжебаев «Аалам» эл аралык жеке интернаттык мектепке барды. Ал жерде окуу жайдын материалдык-техникалык базасы, окуу процесси жана окуучулар үчүн түзүлгөн шарттар менен таанышып чыкты.
Жумушчу сапардын жыйынтыгы боюнча билим берүү тармагын өнүктүрүү боюнча иштер улантылары маалымдалды.
