Бул демилге «Алтын казык» программасынын бир бөлүгү болуп, билим берүү процессин цифрлаштыруу, окуу сапатын жакшыртуу жана педагогдор үчүн эмгек процесстерин жеңилдетүүгө багытталган. Натыйжада 181 ноутбук орто мектептердин башталгыч класстардын мугалимдерине берилди.
Жаңы түзмөктөргө «Санарип кампа» платформасы, окуу пландары, билим берүү программалары, электрондук китептер жана алардын ишмердүүлүгүнө жардам берүүчү башка тиркемелер орнотулган.
Эскерте кетсек, 2025-2026 окуу жылынын башында окутуучу STEM дисциплиналарын үйрөткөн 197 мугалим жана 47 англис тили мугалими, жалпы 244 педагог, ушундай эле ноутбуктарды алышты.
